أسس الكهرباء فى بيتك صح وقلل فاتورة الاستهلاك فى المستقبل ..اعرف التفاصيل

يعتبر التأسيس السليم للكهرباء بالمنزل من أهم الأساسيات التى تحافظ على سلامة المنزل أولا، وتساعدك فى خفض قيمة فاتورة الكهرباء فى المستقبل، ولضمان سلامة الأسرة وتوفير استهلاك الطاقة في المستقبل، ينصح باتباع هذه الخطوات :

1- تأكد إن نوع الأسلاك وسمكها مناسب لقدرة كل جهاز (التكييف محتاج سلك مختلف عن التلفزيون).

2- خطط لعدد المخارج (البرايز) في كل غرفة لتجنب اللجوء لمشترك  أو تمديدات عشوائية.

3- احرص على أن تكون كل دائرة كهربائية في البيت متوافقة مع أنظمة الطاقة الشمسية المستقبلية، ده بيسهل عليك التطوير من غير تكاليف إضافية.

4- اعمل حسابك من دلوقتي لو ناوي تركب سخان شمسي أو خلايا على السطح، وخلي في وصلات جاهزة.

5- اطلب من الكهربائي يركب لوحات توزيع بعوازل أمان ومفاتيح فصل أوتوماتيك.

6- راجع مع الفنى توزيع الأحمال على كل خط علشان تمنع التحميل الزائد اللي بيعمل أعطال متكررة.

7- وفر مواسير أو مجاري أسلاك إضافية فاضية، بحيث أي تحديث أو إضافة مستقبلية تتم بسهولة.